意想不到咁好味！
急不及待同大家分享呢個中西合璧嘅大蝦食譜， 主要原因係因為上星期朋友嚟到Meow Kitchen 食完呢個蝦之後，大家都讚不絕口！ 一來呢個組合令大家意想不到， 用橄欖油略炸過嘅蔥香， 混合話梅、梅菜嘅酸酸甜甜， 淨係攞呢個醬汁沾麵包，都已經秒速將呢個菜沽清！ 二來炸香嘅大蝦， 配上呢個香蔥梅菜欖油， 充滿新鮮感之餘，醬汁令大蝦更清新、更惹味，實在驚喜連連，記得買定麵包去配合呢一個菜式呀！
準備材料: 1. 大蝦 2. 梅菜 3小棵 3. 話梅 3粒 4. 酵素 4湯匙 (或白醋 3湯匙) 5. 蔥 4條
做法:
1. 先把蔥切碎備用
2. 梅菜先浸水半小時， 瀝乾切碎， 加入兩茶匙糖拌勻
3. 三粒話梅加半碗水，放入微波爐叮一分鐘備用 4. 大蝦洗乾淨， 在背部劏開去腸備用
5. 用4湯匙油起鑊， 轉中火加入香蔥、 梅菜略炸，炸香後倒入話梅水及話梅， 加入酵素或白醋， 再加入 雞粉2茶匙及糖2茶匙，拌煮5 分鐘後熄火， 倒入器皿中備用
6. 起油鑊炸香大蝦
隔油後放到香蔥話梅欖油上，配上麵包即成
コメント