直立菠蘿燒雞


當Chef Meow將呢個菠蘿燒雞拎出嚟嘅時候, 不斷聽到朋友嘅聲音就係"嘩……嘩……"! 將隻雞插喺菠蘿上面焗,起菜時視覺效果的確係幾震撼嘅,食落更加係意想不到嘅美味!因為菠蘿帶有果酸,令雞嘅肉質更加嫩滑, 同時菠蘿亦令雞肉嘅味道充滿果香,層次更加豐富。吸附著燒雞香氣嘅菠蘿,突出了鮮香果甜,絕對係一個配合得天衣無縫嘅組合! 聖誕將至, 大家可以考慮用呢一個菠蘿燒雞代替聖誕火雞,一來製法容易, 二來可以令親友們感受到不一樣的聖誕大餐,保證他們讚不絕口!







準備材料: 1. 菠蘿 1個 2. 雞 1隻 3. 蒜粉 2 湯匙 ( 可在一般超級市場買到 ) 4. 蒜鹽 2 湯匙 ( 可在一般超級市場買到 ) 5. 墨西哥辣椒粉 半湯匙 ( 可在一般超級市場買到 )



做法:


1. 先把蒜粉、蒜鹽、墨西哥辣椒粉混合變成調味粉 2. 把雞洗乾淨抹乾, 用調味粉塗勻全雞 (包括雞之內籠), 放入雪櫃醃製一晚
























3. 先把菠蘿切去頂部, 把菠蘿留下菠蘿芯位置及底 樁,切去四邊之菠蘿肉備用 ( 切勿把中心位置切得過幼, 預留粗壯一些的菠蘿芯, 以填滿雞內籠的空間 )
























4. 焗爐預熱180度10分鐘, 把菠蘿芯插入雞內籠, 放入焗爐焗50分鐘 ( 約30分鐘的時候反轉一次 )

5. 把菠蘿肉起出, 用白酒炒香作為伴碟 ( 白酒可令菠蘿肉更鮮甜 ) 6. 取出菠蘿燒雞直立放在器皿上, 加入菠蘿肉或其他喜歡的配菜作為伴碟,即成 ( 當把全雞由菠蘿芯 起出的時候會有大量菠蘿雞汁流出, 打汁流在碟中讓菠蘿肉吸收大量的雞汁,更加美味 )


#直立菠蘿燒雞 #雞 #party #焗爐

157 次瀏覽

Meow Kitchen

  • Facebook Social Icon
  • Google+ Social Icon
  • Instagram Social Icon