大多數食龍蝦嘅時候總會以湯伊麵、烏冬或生麵做底，麵底處理主要是烚過水後再淋上湯汁。 貓記今次選擇煎脆了的兩面黄做底， 濃濃的薑蔥上湯龍蝦汁配合上香脆的麵底， 感覺更新鮮惹味，主角龍蝦忽然間變成咗配角! 喵~
準備材料: 1. 龍蝦 2. 生麵餅 3. 薑、蔥、蒜頭 4. 雞湯
做法:
1. 先把生麵餅放入滾水中出水後瀝乾待用
約兩、三分鐘, 切勿把麵餅淥至過淋， 因為稍後的時間還要把它煎炸至香脆
2. 用油炸方式把麵餅兩面煎炸至金黃色及香脆， 盛起後以廚房紙吸油
3. 斬件後的龍蝦加入少許生粉略炸至金黃色， 盛起待用 4. 用油起鑊爆香薑、蒜頭， 加入龍蝦炒至半熟， 加入雞湯煮滾， 再加入蔥段炒勻， 最後以生粉水埋芡， 淋在兩面黃上，禮成!
Comentários